Award in Maltese Proficiency

Dan il-kors jiffoka fuq l-iżvilupp tal-Profiċjenza fil-Malti għall-parteċipanti. Il-ħiliet tal-lingwa se jkunu mgħallma sabiex il-parteċipanti jkunu profiċjenti fil-qari, fis-smigħ, fil-lingwa mitkellma u fil-kitba. Ħakma tajba ta’ dawn il-ħiliet tgħin lill-parteċipanti f’units oħra fl-istess programm, filwaqt li tgħin fl-iżvilupp tal-ħiliet u l-kompetenzi meta jiġu biex jiżviluppaw dak kollu neċessarju għal-litteriżmu.

F’dan il-Livell il-parteċipanti huma mistennija li jkollhom għarfien biżżejjed tal-Malti biex ikunu jistgħu jaħdmu f’sitwazzjonijiet ta’ kuljum li jvarjaw mid-dar, ix-xogħol, ambjenti soċjali, pubbliċi u edukattivi.

F’dan il-livell il-parteċipanti mistennija jkollhom fehim ġenerali kif ukoll rabta ta’ ideat, u inferenza fit-tifsir. L-istudenti għandhom ikunu kapaċi jikkomunikaw bil-Malti billi jiddiskutu temi familjari jew speċjalizzati imma li jkunu diġà esposti għalihom.

L-istudenti huma mistennija li jkunu kapaċi jiktbu u jipproduċu testi effettivi li jirriflettu esperjenzi varji fil-kors ta’ studju u prattiċi oħra li jiltaqgħu magħhom.